Генерал Сцяпан Любарскі і яго скрыпка – «Эпізоды вялікай вайны»

• Перадача: Эпізоды Вялікай вайны
• Дата: 16.12.2024

У адной з экспазіцый Беларускага дзяржаўнага музея гісторыі Вялікай Айчыннай вайны – партфель, скрыпка са смычком, фатаграфія начальніка штаба 10-й арміі генерал-маёра Сцяпана Іванавіча Любарскага. Нават на дарогах вайны ён не развітваўся са скрыпкай. Ёсць сведчанні, што зроблена яна ў XIX стагоддзі па ўзору скрыпак сусветнавядомага майстра Антоніа Страдзівары.

Сцяпан Любарскі – наш зямляк, кадравы ваенны, прафесійны шлях якога пачаўся падчас грамадзянскай вайны. Ён аўтар вучэбных дапаможнікаў і першых савецкіх ваенных манаграфій, у якіх абагулены вопыт грамадзянскай вайны ў Іспаніі і ваенных падзей на рацэ Халхін-Гол...

У Вялікую Айчынную генерал-маёр Любарскі прымаў удзел у шэрагу найважнейшых аперацый, у тым ліку па вызваленні роднай для яго Беларусі ад нямецка-фашысцкіх захопнікаў.

Генерал Любарскі загінуў 16 красавіка 1945 года пад горадам Форст, за некалькі дзён да Перамогі.

Пра лёс Сцяпана Іванавіча і яго скрыпку добра ведае старшы навуковы супрацоўнік аддзела рэчавых крыніц фондаў музея гісторыі Вялікай Айчыннай вайны Дар'я Бярозка.

Праграма «Эпізоды вялікай вайны» за 15 снежня ў 11.15.