Анонс: Профільная адукацыя – шлях да прафесіі – «Свая зямля», 3.10.2026

Школы Аршанскага раёна атрымалі заказ ад мясцовых прадпрыемстваў і арганізацый на бліжэйшыя пяць гадоў забяспечыць кадрамі па востра запатрабаных прафесіях. З гэтай мэтай у новым навучальным годзе адкрыты 66 профільных класаў. Сярод вучняў сельскіх школ павышаны інтарэс да інжынерных, педагагічных і аграрных спецыяльнасцей. У вучэбнай праграме 10 класа Забалацкай сярэдняй школы павялічаны гадзіны профільных прадметаў. А практычныя заняткі часцей праходзяць у вытворчых падраздзяленнях падшэфнага прадпрыемства – сельгаспрадпрыемства «Радунскае».

Якія эксперыменты ўдаюцца юным агароднікам і садаводам? Хто палепшыць тэхнічную базу профільнага класа? Якія інавацыі практыкуюць настаўнікі? Якія прывілеі ў сельскіх выпускнікоў пры паступленні ў ВНУ ці каледжы? Ці вяртаюцца дыпламаваныя спецыялісты ў родную гаспадарку?

Падрабязнасці ў праграме «Свая зямля» – 3 кастрычніка ў 6.25 і 23.00.