Жнівень выдаўся багатым на інфармацыю пра пацярпелых ад укусаў гадзюкі ў нашай краіне. Ці ледзь не штодня нас палохалі навінамі аб укусах гадзюк альбо раптоўным з'яўленні слізкіх стварэнняў у самых нечаканых месцах. Людзі хвалююцца: няўжо рэптылій стала больш?
Пра ўсё гэта ў эфіры праграмы “Актуальны мікрафон” яе вядучая Алена Вахрамеева пагаварыла з загадчыкам сектара экалагічнай ацэнкі пераўтварэнняў навакольнага асяроддзя Навукова-практычнага цэнтра па біярэсурсах Нацыянальнай акадэміі навук Русланам Навіцкім.
